كريات البطاطا بصوص الجبن رووووعة 💝

نهرسو البطاطا المطبوخة و نزيدولها كل من ملح فلفل اسود و شوية كركم و هريسة مع شوية تون و معدنوس (بقدونس) و نخلطوا ثم لموها بالبيض قيس ما تتلم و نقدروا نكوروها

ثم ناخذو الخليط نتاع البطاطا وناخذوا شوية و نحلوها ونديروا في وسطها فروماج و نكوروها و نديروها في الفرينة (طحين) ثم البيض ثم الخبز يابس و طحون (شابلير)

نكملو كامل الكمية و نديروهم في الثلاجة يحكمو رواحهم ثم نقلوهم في زيت سخووون

اما الصوص نجيبو لميكسور و ندير اربع ملاعق جبن طري و ندير معاه شوية حليب قيس ماتكون كريمة ثم نزيد ربع كاس زيت و نصف سنة ثوم وفلفل اسود و شوية ملح و نخلطو مليح بالميكسور

شهية طيبة💛💚💙