تعديل الوصفة
شاهد أخبار وصفتك
شارك
شارك

المكوّنات

  1. العجينة:
  2. 4كيلات فرينة (طحين او دقيق)
  3. كيلةزبدة ذائبة وباردة
  4. كمية من ماء الزهر
  5. ملح وماء لجمع العجينة
  6. الحشو:
  7. 3 كيلات خليط بين لوز وجوز مرحيين متوسط
  8. كيلة ناقصة ربع سكر حرش
  9. كمية من ماء الورد
  10. حبات لوز للتزيين
  11. كمية من السمن الدايب وعسل لسقي البقلاوة تاعي

الخطوات

  1. 1

    نحط الفرينة (طحين) في جفنة ونصب عليها الزبدة ونبسس مليح.فيطرف الجفنة نحط الملح ونصب عليه ماء الزهر ندوبوه ونكمل نلم العجينة تاعي بالماء

  2. 2

    نعجنها شوية ونخليها ترتاح على الاقل ساعة.نقسمها الى 6 خبزات صغار

  3. 3

    في هد الوقت نحضر الحشو.نحط 3 كيلات خليط بين جوز ولوز مطحون وكيلة غير ربع سكر حرشونرش ماء الورد ونفتل الحشو بالاصابع فقط ونخلط مش لازم نبلوه بزاف

  4. 4

    نبدأ في فتح العجينة بالقنوط لازم تكون رقيقة.ندهن الصينية لي راح نطيب فيها بالسمن جيداً ونفرش الورقة الاولى

  5. 5

    نقوم بثقبها بواسطة ابرة تكون نضيفةوندهن مرة اخرى بالسمن ونكمل بنفس الطريقة مع الثانية والثالثة

  6. 6

    نفرغ الحشو ونسويوه جيداً باه يكون في نفس الحجم ونصب عليه شوية زبدة او سمن ذائب

  7. 7

    نكمل فتح العجينة للطبقة العلوية وما مانحط ورقة نثقب وندهن بالسمنباه يجيونا الطبقات مورقين

  8. 8

    نقطع البقلاوة الى معينات ونرشق كل حبة بحبة لوز في الوسط

  9. 9

    وفي الاخير نمرر القنوط تاعي على حواف الصينية للتخلص من العجينة الزائدة

  10. 10

    نصب على الوجه كمية من السمن وندهنو مليح ونحطوها تطيب اي تستوي على 160 درجة ونعسوها ماتديش وقت كبير لانو الطبقات تاعنا رهاف

  11. 11

    لما تطيب اي تستوي نخرجوها ونسقيوها بالعسل والافضل يكون بارد وفيه كمية من عسل النحل يزيدها بنة.ونخليها تتشرب مليح ليلة كاملة او اكتر باه نقطعوها

تعديل الوصفة
شاهد أخبار وصفتك
شارك
سأطبخها اليوم
ام جيهان
ام جيهان @cook_15654559
نُشرت في
قسنطينة

التعليقات

وصفات مشابهة