بقلاوة مورقة وبقادير مظبوطة 😋😋 أولادي يسلمو عليكم 😊👇

في قصعة نضع الفرينة (طحين) وفي الوسط نضيف السمن ونبسس مليح بأطراف الأصباع حتى يولي مرمل نزيد نضيف بيضة ونكمل نخلط وفي الأخير نلم العجين بماء الزهر لا نعجن فقط نلم حتى تولي هشة ورطبة نقسمها كريات ونغطيها بالبابي فيلم

بالنسبة للحشو نضع الكوكاو في إناء نضيف عليه المنكهات جوز الهند والجلجلان ونخلط ثم نضيف عطر اللوز ونخلط مليح ونضيف السكر شوفو قياس السكر👇

نجمع الكل بماء الزهر حتى تولي هكا👇

ممكن تخلي العجينة ترتاح يوم كامل عادي بالعكس كي ترتاح أكثر تولي أحسن نبدأ بالعمل نحل العجيلة بمشينة البقلاوة وندير من المستحسن 7 طبقات انا درت 5برك ومابين كل طبقة ادهني بالفرشاة مغرف كبيرة سمن ونضع الحشو ونعدلها مليح وادهني يديك واعدلي الحشو مليح وكملي الطبقات أنا.درت 4 أنت تقدري تديري 5 أول 6 أوحتى 7 المهم نقطع البقلاوة بهذه الطريقة👇😊

والسمن لي بقى نحطه فوق البقلاوة وندخلهاللفرن تطيب اي تستوي بالنسبة للعسيلة نحطها في كسرونة ونسخنها مليح لدرجة الغليان نشوف القوام تاعها نوعية العسيلة الافضل هي المرجان ولا اروع بعد ماتسخن نزيدلها مغرف كبيرة ماء الزهر ونحطلها عيدان قرنفل يديرلها نكهة رائعة😋😌 بعدما تطيب اي تستوي البقلاوة نعسلها مباشرة 😍❤بالصحة والهناء ان شاء الله تعجبكم حبيباتي صحة عيدكم وربي يفرحكم كل عام وأنتم بألف خيير🌸🌷😙