بقلاوة العيد

نمزج المكسرات المرحية بعد ما نغربلهم يكون نفس الحجم ونحط السكر والسمن ونخلط مليح نفرغ المكسرات في الصينية ونسوي السطح وندخل إصبع السبابة في الوسط حتى أو خط (لكي نعرف علو حبة البقلاوة)

ونرش ماء الزهر بالشوي (قليلا) ونفتل بأصابع اليد لا تكون جارية (سائلة) ثم نغطيه ببلاستيك ونتركه يرتاح ممكن حتى يبات ليلة كاملة

نحضر العجين أولا نذوب السمن ونتركه يبرد ثم نخلط الملح مع الفرينة (طحين) ونمزج السمن جيداً بكف اليد بعدها نجمع بماء الزهر نتحصل على عجين طري سهل الإستعمال. نغطيه بنيلون ونتركها ترتاح (أنا نحضر الحشو والعجين بليلة قبل.)

نلف طرف ورقة البقلاوة عليه حتى النصف ونرفع بهدوء ونفرشها في الصينية وندهن بالسمن وهكذا حتى الورقة الرابعة لا ندهنها نحط الحشو ونسوي السطح ثم نغطيه بورقة أخرى وندهنها ونكمل باقي الورقات وندهن بيناتهم

نعجن العجين شوية ونقسمها إلى 8 كريات. ندهن الصينية بالسمن المذاب ونفتح كل كرية بشكل جد رقيق ممكن إستعمال آلة التوريق (أنا نفضل باليد) حتى نلاحظ الرخامة هنا تكون الورقة جيدة بمساعدة القنوط (الشوبك أو الحلال..)

لما نكمل كل الورقات لا ندهن آخر ورقة (ورقة السطح أو الوجه حتى نقصها) باستعمال القنوط نقطع الزيادة من العجينة على الجوانب بالضغط عليها

ممكن نقطعها معينات بقطع العجين إلى مستطيلات صغيرة ثم معينات حسب الرغبة واذا حبيت نتحصل على النجمة في الوسط نتبع الخطوات التالية : أولا نقسم صينية البقلاوة إلى 4 ثم نقسم كل ربع إلى 2 نتحصل على 8 أجزاء بواسطة المسطر أو بالعين نحدد حجم حبة البقلاوة ونعمل في كل جزء شرائط أو مستطيلات

ثم نخالف الجزء التالي في القص ونكمل هكذا بعدها نقص كل شريط إلى معينات ونحط حبة لوز في كل بقلاوة ممكن عمل وردات بالعجين المتبقية

بعدما نكمل نذهن السطح بالسمن وندخلها للفرن المسخن مسبقا لما نلاحظ الجوانب تحمرت نطفي من الأسفل ونشعل من فوق ونعسها حتى تأخذ اللون الذهبي فقط ونطفي ومباشرة وهي سخونة نسقيها بالعسل البارد والثقيل ونتركها ليلة أو ليلتين حتى تتشرب مليح إذا لقيناها شايحة نسخن العسل ونرجع نزيد نسقيها.

هذا سمك الحبة ماتجي عاليا بزاف ماتجي رقيقة.الواحد يقدر يأكلها عادي😉

القلاوة المزينة بالوردات خدمتها لأمي ونسيت مصورتش الحبة كنت بعتهالها😔وصرتلكم تاعي درتها عادي