قاطو الكورني بحشوة رائعة

نضع في ريسيبيون الزبدة والسكر

نضيفلهم بودرة الكاكاو المر و النيسكافي ونزيد نخلطهم مليح ثم نضيف حبة من البيض ونشفو بالفرينة بعد ما نضيف لها رشة من الملح نلم لعجينة غير بالأصابع ونغطيها بال papier film وندخلها الثلاجة لمدة نصف ساعة

نطرح العجينة رقيقة ونطبع قالب دائري ونزيد نطرحها شوية باليد ونحطها فوق الكورني وندخلها الفرن على 160 درجة حتى نشوفهم طابو ونخليوهم حتى يبرد و باه نحيوهم باه مايتكسروش

للحشوة: ندير كأس لوز مرحي ماشي خشين ،متوسط ونضيف لها نستله كراميل حتى تولي الحشوة جاارية نحطها في poche ونفرغ في لي كورني، بعدها نذوب الشوكولاتة بالحليب في حمام مريم ونضيفلها ماء سخون يغلي في المرة الأولى تبان فسدت لكنها مافسدتش نبقى نحرك مليييح ونضيف في الماء السخون حتى نتحصل على القوام المطلوب

نضع الكورني فوق فرشيطة ونصب عليه الشوكولاتة بالمغرف ونحطوه فوق سيلان باه تجينا الحلوى تاعنا مضيفة بعد ما ينشفو شوية ليكورني تاعنا نهزهم نغطسهم في الشوكولاتة الدايبة و نزيد في اللوز مرحي.ويكونو واجدين و إذا كان المكان سخون بزاف نحتفظ بيهم في الثلاجة.وبالصحة و العافية