نقطع اللحم قطع صغيرة نديرو يتقلا معا حبة بصل مقطعة رقيق نملحو ونخليه يطيب (يستوي)نحطو على جنب نزيدلو معدنوس (بقدونس) مقطع رقيق

نفور جلبانةونملحها ونقطع البطاطا مربعات ونقليها كي يطيبو كلش نخلطو معا بعض مليح معا شوية ملح وفلفل اسود نزيدلو شوية فرماج (جبنة) رابي من الفوق

نحضرو البيشاميل نديرو في كاسرونة زبدة والفارينة ونقليها مليح نزيد لحليب غير بلعقل حتى تثقال وندير البيض والملح وفلفل اسود وجوزت الطيب ونخلطهم مليح ونطفي نزيد فرماج (جبنة) رابي ونفرغها فوق غراتان ونديرو يحمر من فوق وبصحتكم