تجيبي قدرة تحطي فيها الماء خليه يسخن روحي نقي الخردل قطعيه قطع كبار شوية باش مايذوبش ثم ثم ومباعد ارميه في الماء لي سخن خليه يطيب كي تشوفي دخلو الطيباب ارمي دشيشة مرمز نتاعك على حسب الكميىة تاع لاصوص لي باغية ديريها اكيد تكوني شللتيها قبل ماتلوحيها وضيفيلها شوية زيت وملح باش ماطيبش سامطة وروحي وجدي لاصوص تاع طماطم لي حتلوحيه كرفشي حبات طماطم يكونو طايبين وهيا تركب على طماطم حب فقط كرفشي الكعبات على حسب لاصوص وهرسي الثوم في المهراس مع الملح وفلفلات وضيفيهم للطماطم للمكرفشة كي تشوفي المرمز

طاب لوحي هذيك الطماطم لمكرفشة مع الثوم وزيدي لوحي حبات فلفل صحاح اذا تحبي الحار وزيدي الماء على حسب لاصوص والمرمز لي لوحتيه وخليهم يطيبو مليح ولاصوص تعود سوا سوا ومباعد قطعيلها ربطة كزبر تركب عليه وومباعد سقيه فوق كسرة رقاق وزينيه بشوية زيتون اختياري والبصحا والراحة (ملاحظة: تقدري تستبدلي اللفت بالقرعة هذيك لي تجي طويلة وكولارها اخضر فاتح في موسمها طبعا وتقدري ديري لفت وفول اخضر في موسمو ثاني وثاني كاين لي يحب الحار بزاف يرمي للاصوص هذاك الفلفل لمهرس لمخلل باش تعود حامظة)وبالصحا والراحة