حطيت قطع الدجاج بالطنجرة وبقطع البصل والتوم والفليفلة شرحات وبضيف عليهم بهارات الكبسة وكلهم بالطنجرة وبضل حرك فيهم شوي ليتغير لون الدجاج ويتجانس مع البهارات والبصل والتوم وبضيف عليهم ماء ليغلو ويستوي

بقشر حبة بندورة شرحات وشرحات بصل وبشوحهم على النار لتبلش تذبل البندورة وبطفي تحتها

بكون ناقعة رز بسمتي وبغسلو وبتركو ليصفى بالمصفاية وبكون الدجاج استوى بشيلو وبصفي مرقة الدجاج برجع بحط الرز بالطنجرة وبدير عليه مرقة الدجاج والبندورة يلي شوحتها مع البصل وملعقة رب البندورة وبتفقدهم بالملح والبهارات وبتركو لحتى يستوي ويتنشف وبطفي تحتها

بحط الدجاج بطشت لحال وبعملو تتبيلو ملعقتين لبن وملعقة رب البندورة وبهارات ورشة زعتر ناشف وبخلطهم سوى وبركب عالزيت لاقلي الدجاج وعلى جنب بقلي فستق للزينة

وصحة وهنا للناظرين تحياتي ربوش عزازي ام سبأ