نضع المكونات كلها فى الخلاط و نخلطهم لحد ما يبقى القوام متماسك بس انا عن نفسي من النوع اللى بيحب اى حاجة فيها شطة عشان كدا حطيت واحدة فلفل حامى وطلع تحفة

نولع على حلة مية على النار وتكون مليانة لحد م تغلى

اثناء ما كانت المية بتغلى كنت جهزت الخليط بتاعى وحطيته ف كيس بلاستيك(وممكن نايلون ويكون افضل) ربطت الكيس من الجهه المقفولة عشان لما اصب الخليط فى الكيس يعطيني شكل الاسطوانة زى الجاهز والاكياس المستخدمة يفضل تكون رفيعة وطويلة المهم صبيت الخليط وضفت زيتون مخلى كنت مجزاه وحركته فى الخليط وهو جوة الكيس عشان يتوزع على اماكن مختلفة فى القالب وربطت الكيس من الناحية التانية ولازم يكون الكيس مفرغ من الهوا ولفيته بورق فويل وحطيته فى المية اللى كانت بتغلى

بعد حوالى نصف ساعة او ساعة الا ربع حطى سكينة فى قالب اللانشون اللى فى المية المغلية لو طلعتى السكينة نضيفة يبقى استوى طلعيه من المية حطيه فى التلاجة من تلات الى اربع ساعات وهو مقفول عليه بس دى خطوة اضافية ممكن تستخدميه عادى من بعد ما يطلع من البوتوجاز مباشرة ملحوظة: لو حابة زيادة يبقى نفس طعم الجاهز حطى عليه معلقتين لحمة مفرومة او صدور فراخ مفرومة معلقتين بردو على حسب رغبتك طبعا