في حمام مريم ندوبو شوكولاتة مليح نضيفولها اصفر اربع بيضات نخلطوها مليح ونزيدولها مغرف زبدة نحركوها حتى تذوب وبسرعة باش مايطيبش البيض

في بول نطلع ابيض اربع بيضات مع اربع ملاعق سكر وقرصة ملح حتى يولي كي الثلج نضيفولو شوكولاتة ونخلطو من لفوق للتحت باش ما تهبطس لا موس نديروها في كؤوس التقديم نطلعو كاس حليب با مع كاس ونص شانتيه بالباتور ديرولها ملون ولا خلوها هكاك وزينو بيها من لفوق وخلوها تبرد مليح وبصحتكم