تليتلي بمرقة حمراء🌹🌹

في كوكوط نحط الطماطم والبصل والثوم المرحين في الخلاط ونضيفلهم قطع الدجاج والزيتون الاخضر مقطع ونتبلهم نزيدلهم شوية ملح وزيت نقليهم شوية ونمرق بالماء الدافئ ونغلق عليهم ونخليهم يطيبو

نجيب الكيس تاع التليتلي لي تحب تضاعف الكمية تزيد شكارة وحدة اخرى،نديرلو شوية زيت ونفورو مبعد نحيه نعاودو بكاس ماء ونخليه يشرب هذاك لماء ومبعد نعاود نرجعو يتفور ونزيد نشربو بكاس ماء حتى يولي طري ويدخلو الطياب يعني نبقى نعاود فيه كي لكسكاس حتى يطيب

بعد مايطيب التليتلي نحط المرقة في كاسرونة ونفرغ فيها شوية تليتلي ونغليهم حتى ينشف ونقدمو مع البيض والفلفل المقلي او فرماج (جبنة) نتي والذوق تاعك وبالصحة والعافية حبيباتي😘😘😘