حميص حار وبنين
الحميص وصفة جزائرية صحية قليلة الدهون تتماشى مع عدة اطباق او وحدها يمكن تجهيز كمية معتبرة منها ونحتفظ بيها في الثلاجة في علبة محكمة الاغلاق تدوم حتى اسبوع
حميص حار وبنين
الحميص وصفة جزائرية صحية قليلة الدهون تتماشى مع عدة اطباق او وحدها يمكن تجهيز كمية معتبرة منها ونحتفظ بيها في الثلاجة في علبة محكمة الاغلاق تدوم حتى اسبوع
الخطوات
- 1
كاين عدة طرق باش نشويو الفلفل تاعنا كاين لي يشويه في الفرن وكاين لي يشويه على الطابونة وكاين لي يشويه فالطاجين انا رايحة نمدلكم الطريقة تاع الطاجين لانو يجي بهادي الطريق بنين اكثر
- 2
اولا نحط الطاجين تاعنا تاع الطين يسخن ونحط الفلفل والطماطم يتشواو فوقو ونقعد نقلب فيهم حتى تتحرق القشرة تاعهم ننحيهم نحطهم في كيس بلاستيكي ولا بورطمونجي ونغلق عليهم مليح نخليهم مدة مليحة باش يعرقو ممبعد نجي ننحي القشرة هديك بلاما نستعل الما واذا استعملت الما غير نمسح بيه برك باش يحافظو على البنة تاعهم نقطع الطماطم هي الاولى
- 3
ونحطها في مقلة فيها مغرفة زيت الزيتون نغطيها ونخليها على نار قليلة ونرجع نقطع الفلفل قطع صغيرة ونفرغو على الطماطم هديك ولي تحب طعم الثوم تزيد معاهم اما تشويه ولا ترابيه عليهم
- 4
نضيف الملح ونحركهم ونخلي على نار قليلة يطيب (يستوي)بعقل عقلو حتى ينشف الما لي تطلق الطماطم نخليه حتى لساعة او اكثر او اقل انا نخليه حتى يذوب الفلفل هداك كامل هو والطماطم
- 5
ملاحظة / مش بشرط تديري الفلفل الطرشي تقدري تديريه حاار طول او اذا مكنتيش تحبي الحار ديريه غير بالطرشي على حسب ذوقك
وصفات مشابهة
-
حميص🌶🌶 بطريقة ساهلة في دقائق والبنة معندي ما تقول 🌶 حميص🌶🌶 بطريقة ساهلة في دقائق والبنة معندي ما تقول 🌶
بنة.يصلح كوجبة البحر مع بطاطا مقلية .وسريع مع السخانة خاصة أن الحميص لازم قعدة مع الطابونة😊#كوكباد_بريميوم
-
حميس حار وبنين حميس حار وبنين
ساهل وبنين هدا ما يليق في صيف مع فريت (بطاطا مقلية) اوملات وسلاط وبصحة والهنا😜😜😜😜
-
-
عيش حار وبنين عيش حار وبنين
كرهنا من طياب لحوايج لخفيفة كل يوم توحشنا ماكلة شتا ولحرارة🥣🥣🍲🍲🍲🍲🍲🍲🍲🍲بنة روعة سيرتو كي نطولو ما نديروهاش هههه
وصفات ننصحك بمشاهدتها
التعليقات