قاطو حلوة الترك

كيما عودتكم مع وصفاتي البسيطة و السهلة و البنة كيما العادة ،المقادير:250 زبدة غامولي +4 مغارف حلوة الترك +كاس سكر رطب لفاني +1خمارة الفرينة عينك ميزانك نشكل اي شكل راكي باغياتو انا شكلت مثلث وقلب

ندخلوهم للفرن يطيبو نحضرو كمية من حلوة الترك على حمام ماءي نخلوها اذوب من بعد نزيدولها مربى نخلطهم مليح تولي كيما الكريمة نخرجو القاطو تاعنا نخلوه يبرد

وندهنوه باهديك لكرام تاع حلوة الترك من بعد نرمدوه اما في كوكاو محمص و مطحون او قفريط مطحونة انا هنا استعملت كوكاو مطحون التزيين يبقى اختياري شهية طيبة