نغلي المقارون في الماء والملح والزيت ونديرلها الرند والفلفل الاكحل وكي اطيب نصفيها وسكب عليها ماء بارد باه تطلق النشاء تاعها وتوقف عن الطياب ونحضر باقي المكونات

نقطع الطماطم والبصل والفلفل الحلو الى مربعات صغيرة ونضيفلهم الماييز ونسكرفج الكاشير انا استعملت الحار واسكرفجت حبات بيض وخليت حبات للتزيين وقطعت الفرماج واضفت التونة انا استعملت تونة طماطم واضفت المايونيز ثم الملح والزيت وخلطت الكل جيداً وزدت اضفت المقارون وخلطت مليح مليح ثم قطعت معدنوس (بقدونس) واضفت الزيتون وخلطت مليح

وفي الاخير حطيتها في صحن التقديم جات هايلة بنينة وخفيفة مليحة في هذي السخانة ومغذية للاطفال