نبدأ بسم الله كدة (تحسوا إنى حعمل حاجة كدة اختراع كبير يلا عدوهالنا بقى معلش 😉)

نجيب باكوين البسكوت ونكسرهم بس مش خالص تكسير عشوائى يا شطورين

وبعدين نجيب كزارولا (عجبتكم؟ أصلها عجبتنى ☺)

على البارد نحط اللبن والنشا والكاكاو والشوكولاتة والسكر ونقلب ونحط على النار مع التقليب المستمر (بحيث لما تستوي على النار تطلع أحلى مهلبية قوامها وسط ولا خفيفة ولا تقيلة)

ونحط المهلبية على البسكوت المكسر شوية شوية وهى ساخنة ونقلب بسرعة بحيث البسكوت كله يكون متغلف بالمهلبية

نجيب كيس سندويتشات ونحط الخليط ونخليه شبه الرول ونحطه في الفريزر

نسيبه على الأقل ٦ ساعات وبعدين نقطع بالسكينة ودوقوا أحلى كيكة كدابة 😋 وبالهنااااا