اولا في اناء نضع الماء وخميرة الخبز والسكر ثم نضيف حوالي 5 م ك فرينة نخلط بالخلاط اليدوي ونتركه يرتاح 10 د ثم نضيف صفار بيضة والفرينة المتبقية وخميرة الحلويات والملح نحرك

ونبدا باضافة الماء حتى نتحصل على عجينة تتلاصق باليد و تكون جارية نخبطها باليد شوية فقط نتركها ترتاح 30 د ثم نهبطلها لخميرة ونرجعها تخمر مرة اخرى 30 د ثم نعاود نهبطلها الخميرة ونخليها تخمر للمرة 3 ونهبطلها الخميرة ونشكل كريات منها ونقلي في مقلاة فيها شوية زيت غير نشوفها بدات تحمار من الاسفل نرفدها نحطها في مقلاة 2

المقلاة 2 تكون مغمورة بالزيت و نرش الزيت فوق الحبة ونقلبها ثم نتركها تقطر من الزيت وتقدم