سفنج

نخلط الفرينة (طحين) وخميرة الخبز وخميرة الحلويات ونبدي نلم لعجينة ، نضيف الملح حسب الرغبة ونزيد الماء حتى تتلم لعجينة ونزيد القليل من الماء حتى تولي معلكة ونضربها جيداً حتى يخرجو الفوقاعات وكي نجبدها ماتتقطعش هنا نتأكد انها تدلكت جيداً ، نخليها تختمر

بعد ماتخمر نقطعها قرصات ونحطهم في سني ، وندير زوج مقلاة ،وحدة فيها القليل من الزيت على نار هادئة والاخرى ندير فيها زيت ياسر على نار عالية ونبدي نثقب القرصة ونحطها في المقلاة لي فيها زيت قليل

ومن بعد كي تشد روحها من الاسفل نديرها على نفس الوجه في المقلاة الاخرى ونقلب فوقها الزيت حتى تنتفخ وتتحمر ونحطها في ورق ماص للزيت ونكمل كل الحبات بنفس الكيفية.