معكرونة بالبشاميل
الخطوات
- 1
اولا هنبدأ بتحضير اللحمة هنجيب طاسة ونحط البصلة لحد ما تذبل بعدين هنضيف اللحمة المفرومة ونقلب ونحط بهاراتنا ملح وفلفل وقرفة ونقلب
- 2
نسيبها شوية على النار مع التقليب وبعدين نضيف الفلفل الالوان ونقلب ونسيبها شوية لحد ما يذبل وبعدين ننزل بعصير 3 طماطمات عليهم ونسيبها تستوي وتتسبك مع بعضها ونظبط ملحنا وبنطفى عليها
- 3
نسلق المعكرونة بطريقتنا عادي ونركنها على جنب وبعدين نبدأ بقى في خطوة البشاميل بنجيب 3 ملاعق سمنة ونحط عليهم ال ٥ ملاعق دقيق مع التقليب المستمر حوالي دقيقتين بعدين نشيلها من على النار ونبدأ بإضافة اللبن حبة حبة مع التقليب وهكذا مش شرط نخلص كمية اللبن المهم القوام يكون كويس ثم نضيف بيضة وعليها ملح وفلفل ونظبط الملح للباشاميل مع التقليب وبعد كده خلص
- 4
هتجيب صينية ندهنها سمنة وقبل ما نقسم مكرونتنا نحط شوية بشاميل ونقلب وبعدين نقسم المعكرونة قسمين قد بعض ونفرض في الصينية اول جزء وبعدين نحط اللحمة المفرومة ثم ثاني جزء وبعدين نحط كل كمية البشاميل وفي الاخر هنجيب بيضة ونحط عليها القشطة وملح وفلفل ونقلبهم كويس وننزل بيهم على الوجه
- 5
وبعدين بندخلها الفرن يكون سخن من قبلها ونحطها على الشبكة في النص ونبص عليها كل فترة لحد ما تستوي من جميع الأطراف وبالهنا 😍
وصفات مشابهة
وصفات ننصحك بمشاهدتها
التعليقات