يخلط يدوياً البيكنج باودر مع الدقيق مع النشا بتوزيع متساوٍ

نضيف خليط الدقيق مع البيكنج باودر والنشا مع الفانيلا ورشة الملح واللبن البودرة و السكر حسب الرغبة ويتم خلطهم يدوياً

يتم اضافة اللبن السائل عليه صفار بيضه واحده بس ويفضل يكون على فترات اثناء الخلط اليدوي ولا ننسي ملعقة زيت الزيتون وتفضل تكون ملعقة متوسطة لا كبيرة ولا صغيرة

بعد خلط السابق يدوياً وبنأكد على يدوي دي عشان العجينة تنفش معانا بنتركة لوهلة ثم بنركز في الخطوة الاصعب القادمة

يتم فصل الصفار من البيض لاننا مش محتاجينة وهيبوظ كل حاجة لو اتحط ونأخذ بياض التلاته ثم نخلطهم بقي يدوي او بميكسر المهم البياض يتحول لفوم ابيض كثيف كدة وممكن تضيفي ملعة سكر صغيرة مع البياض وانتي بتخلطية بالميكسر علشان ينفش اسرع

نرجع للي احنا تركناه فوق ده ونضيف فوم البيض للخليط على مراحل ونخلط يدوي برضة حتى ننتهي من خلط جميع المكونات يدوياً واهم حاجه العجينة تكون تقيلة مش ماية معاكي لو كانت مايلة انها تكون سائله شوية زودي دقيق لحد ماتتقل وده سر الوافل

نضيف العجينة المخلوطة يدوياً الى جهاز الوافل بعد ماتسيبيها ترتاح عشر دقايق وتغطيها كويس وممكن ندهنه دهنة خفيفة زبده حسب الرغبه عشان العجينة متلزقش ونقفل عليه لحد ما العجينة تنفش وتبقي زي الفل وكرسبي معاكي واوعي تفتحي عليه كل شوية علشان تكون طرية من جوا ومقرمشة من بره