دجاج كنتاكي
اعملوها في البيت انضف واوفر ومتفرقيهاش عنها بس دي طعمها احلي بشهادة كل اللي داقها
دجاج كنتاكي
اعملوها في البيت انضف واوفر ومتفرقيهاش عنها بس دي طعمها احلي بشهادة كل اللي داقها
الخطوات
- 1
هنسلق الفراخ عادي يعني نديها صدمة كدة وتشويحة خفيفة مع بصل وفص حبهان وورقة لورا وملح وفلفل وننزل عليها بمية سخنة ومرقاية في الشوربة بتفرق ورشة هيل مطحون وطمطماية ونسلقها عادي
- 2
ملحوظة هنسلقها كويس يابنات للاخر لان ده سر ان لونها دهبي كدة اكني جايباها جاهزة لان ناس كتير بتسويها نص سوا ويبئا فيها دم وتقول في القلي هتستوي وتهدي النار عليها والجو ده غلط جدا ده هيخليها تتحمر وتاخد وش غامق ولسه نية من جوا وعشان كدة بتطلع غامقة
بعد كدة هنصفيها ونسيبها تبرد خالص
- 3
في طبق هنحط الدقيق والنشا وتوابلنا وملح ولو حد عنده توابل فراخ او كاري حطي سنة حسب الرغبة ولو عايزاها سبايسي برضه بتزودي شطة حسب الرغبة برضو ونقلبهم ونظبط الملح بلاش يبئا قليل
وفي بولة صغنونة هنضرب البيضتين باللبن والملح والفلفل
- 4
وهنضرب الكورن فليكس فالكبة مجروش خشن مش ناعم ونحط معاه بعد مايتجرش ملح وبابريك وتوم وبصل باودر وتقلبيه او يتساب كدة عادي بس اللي بتوابل بيعلي الطعم
هنجيبة الفراخ ننزلها في الدقيق وتقلبها كويس ونكبس عليها الدقيق وتنزليه في الطبق اللي فيه مية بتلج بس بحرص
- 5
تلفيها متوقعيش الدقيق وتطلعيها تحطيها في الدقيق تاني وبعدين في الطبق اللي فيه بيض وبعدين الطبق اللي في كورن فليكس وتدخليهم الفريزر ريع ساعة
وتقلي في زيت غزير وداهم تركاية بئا والاهم تقلي في ووك او حاجة غويطة تنزل في زيت سخن مش بارد ويدوب تاخد اللون الدهبي طلعيها متغيبيهاش
الكوكسناب
هل جرّبت هذه الوصفة؟ أضف صورة طبقك واكتب قصّة تجربتك
وصفات مشابهة
وصفات ننصحك بمشاهدتها
التعليقات