نضيف الحوت ناع نغسلو ونقيه مليييييح

هده طريقة انا ديما نديرها نغسل لحوت تاع ونقطرو في كسكاس يقطر مليح من الماء وباش مانخمجش الماعن بزاف ونعرفو ريحة الحوت ندير نايلون وكيس غذائي نحطو فوق البوطاجي ونستف عليه الحوت تاع نديرلو الملح والفلفل اسود والكمون والفلفل عكري على الجهتين وكي نكمل نحطهم نرمدهم نهز هاداك نيليون نرميه يبقاو ماعني نظاف وبوطاجي تاعي نظيف

نحط القليل من الحشو تاعي ونمسحو على حبة الحوت مليييح

والفرينة لي رح نرمد فيها الحوت نتبلها نديرلها ملح فلفل اسود كمون عكري ونخليه مدة نصف ساعة باش نقليه

البطاطا قصيتها مشرشف يحبوها خواتاتي الصغار نقصها ونديرلها ملعقتين خل الى اربع ملاعق ونخليه ربع ساعة على الاقل باش نحمي تلزيت ونقليها تجي تقرمش وبنبنة تهبل تهبل

بقالي الحشو تاع الحوت سكرفجتلو حبتين طماطم وسنينة ثوم وفلفل حار وهريسة وكمون وفنجان ماء وشوي زيت وحطيتها فوق النار غلات شوي وثقالت وسكرت عليها حطيتها مع الحوت

احتمال كاين لي رح تقولي لحوت حرقتيه ماما تحبو طايب بزاااف وتحبو ناشف كون متشوفوش هكدا ماتوكلوش نشهيكم في الجنة