بقلاوة تقليدية
الخطوات
- 1
نأخذ الفرينة (طحين) نزيدلها كيلة زبدة ذايبة الباقي تاع الزبدة نحتاجوه من بعد للتوريق، نزيدلها قرصة ملح ونلم بالماء وماء الزهر حتى تتلم مليح تغطيها ونخليها ترتاح نهار كامل
- 2
بعد ما ترتاح نقسمها على 9 كويرات نفتح الاولى رقيقة ونحطها في صينية الفرن، من بعد ندهنها بالزبدة الذايبة ونزيد نحل الثانية ونحطها عليها وندهنها بالزبدة وهكذا حتى نكمل 5 طبقات
- 3
من جهة أخرى نحضر الحشو نديرو 3 كيلات كاوكاو (فول سوداني) او لوز مرحي بكيلة سكر ونلم بماء الزهر مانكثرش بزاف باه ما يجيش الحشو جاري ويخرج كي يطيب (يستوي) يجي نص نص ماهو شايح ماهو جاري
- 4
نفرغوه على الطبقة تاع البقلاوة من بعد نكمل 3طبقات بنفس الطريقة تاع الطبقات الى تحت،نضعط مليح ونحي الحواف اللي خارجين فوق الصينية أما الحواشي نضعط عليهم كامل بالاصبع حتى نضمن أنهم مغلوقين مليح
- 5
نقطعها بالطريقة اللي نحبو مربعات او مقروطات كيما اي مثل نحب
- 6
تبقى كرة تاع عجين نحلوها ونطبعو بيها الصدفة اللي نحطوها فوق البقلاوة ونلصقها بحبة كاوكاو (فول سوداني) او لوز وتدخلها للفرن شاعل من تحت كي تحمر الجوانب نشعلها من فوق
- 7
كي تطيب اي تستوي نسقيها بالعسيلة ونخلوها على الأقل ليلة فما فوق حتى تتشرب لعسل مليح من بعد نحطوها في ليكيسات
وصفات مشابهة
وصفات ننصحك بمشاهدتها
التعليقات