الخطوات
- 1
تشاراك حلوة تقليدية جزائرية نديروها خاصة فالأعياد و كلمة "تشاراك" أصلها عثماني ومعناها "هلال" ☺
- 2
الطريقة التقليدية لصنع تشاراك معروفة بصح كاين كثير من البنات ماتنجحلهمش لهذا تبعو معايا هذه الوصفة وإن شاء الله العجينة راح تكون ناجحة ومذاقها لا يختلف عن مذاق تشاراك تقليدي 👇
- 3
أول خطوة : يالبنات الوصفات راهي كثيرة عبر النت ومواقع التواصل الاجتماعي بصفة عامة...... إذن المشكل مراهوش في توفر الوصفة.....المشكل يكمن في طريقة إعداد الوصفة وإلى بعض التفاصيل ممكن حنا تظهرلنا تافهة لكن هي تحدث فرق ملحوظ فالوصفة لهذا 👇
- 4
قبل ماتبداو في تحضير هذا الوصفة لازم تتاكدو بلي : المارغارين راهي في درجة حراة الغرفة يعني ماتجبدوهاش من الثلاجة وتخدمو بيها طول لا على الأقل خرجوها بساعة من قبل من الثلاجة وإذا كنا في فصل الشتاء "يعني مام تجبدوها تقعد باردة بزاف" إذن اخدموها بيدكم مليح باش تاخذ من درجة حرارة جسمكم و تولي طرية
- 5
غربلو الفرينة (طحين) والسكر الناعم لإزالة كل التكتلات الموجودة فيهم وهذا الخطوة صدقوني تحدث فرق وتخلي الحلوة تكون خفيفة ملاحظة أخرى تاني هي إستعمال فرينة (طحين او دقيق) من القمح اللين وليس اي فرينة (طحين او دقيق)
- 6
نروحو الآن للتحضير العجينة : حطي جميع المكونات في قصعة باش تقدري تخدمي في راحتك..... مارغارين + فرينة (طحين او دقيق) + سكر ناعم + فانيلا + 2 ملاعق سمن + قرصة الملح وحكي مليح الخليط بين يديك حتى يتبسس ويمتزج جيداً ثم طميه بخليط من ماء + ماء زهر
- 7
تتحصلي على عجينة طرية غطيها وخليها ترتاح مدة ساعة باش تكون سهلة فالعمل
- 8
اما الحشو : خلطي لوز أو كاوكاو (فول سوداني) واش عندك مع السكر+ سمن + فانيلا كما هو مذكور فالمقادير واجمعي الحشو بماء الزهر....خليه أيضا يرتاح مدة ساعة وإذا لقيتيه نشف بعدما يرتاح زيدلو ماء زهر الحشو باش يجيك طري ماتكثريش السكر واعطيلو الكمية الكافية من ماء الزهر
- 9
شكلي الحبات تاع التشاراك كيما اي مثل اي مثل كامل نعرفو أو بالطريقة لي تريحك وخيلهم يرتاحو مدة نصف ساعة فما فوق قبل ماطيبيهم باش يحافظو على شكلهم مبعد طيبيهم بالفرن على نار هادئة 150 درجة مئوية من 30 إلى 35 دقيقة حسب الفرن لي عندك..... ماتخليهش يتحمر بزاف باش مايجيكش يابس
- 10
بعد ما يطيب (يستوي) تتشاراك ويبرد نروح للتسكير 👇
- 11
إذا كنتي راح ديري تشاراك تاعك للاستهلاك المباشر ديري كأس ماء زهر + ملعقة كبيرة سكر ناعم خلطيهم مليح واغطسي فيهم حبات تشاراك واحدة بواحدة ثم مباشرة للسكر الناعم اغمريهم جيداً بالسكر الناعم و خليهم يشربو السكر مليح مدة 30 دقيقة مبعد خرجيهم ونحي الزائد من السكر ويخرجولك حبات صافيين
- 12
اما إذا كنتي راح تخدمي تشاراك وتخبيه يفضل تخدمي شاربات عوض خليط ماء الزهر والسكر الناعم وهي: (كأس سكر+ 2 كأس ماء خليهم يطيبو فوق النار 10 دقيقة بعد الغليان وطفي و فالاخير ضيفي فنجان صغير ماء زهر) واتبعي نفس خطوات التسكير 👆 وحذاري تسكري وتعاودي لانو هذه الطريقة هي لي تخلي تشاراك يجي يابس وشهية طيبة 😊😊
الكوكسناب
هل جرّبت هذه الوصفة؟ أضف صورة طبقك واكتب قصّة تجربتك
وصفات مشابهة
-
تشاراك مسكر تشاراك مسكر
#الشيف_الذهبي سكرتو بالسكر الملون الذي نشرته أمس هذه الوصفة ناجحة مئة بالمئة ونتمني تجربوه أكيد راح يعجبكم وتدعولي
-
-
-
تشاراك مسكر تشاراك مسكر
#جزائرية #حلويات_عصرية #وصفات_فراولة🍓🍓🍓تقبل الله منا ومنكم صالح الأعمال ان شاء الله
-
-
-
-
تشاراك مسكر تشاراك مسكر
#لمة_الاحباب 🇩🇿🇩🇿🇩🇿#العيد_احلى_مع_لحباب#جزائرية #حلويات_تقليدية
-
-
-
-
وصفات ننصحك بمشاهدتها
التعليقات