એક બાઉલમાં વાલોળ ને તેની નસો કાઢી ને સમારી લો.. હવે પાણી થી ધોઈ ને સાફ કરી લો.. એક કથરોટમાં ચણા નો લોટ નાખી ને થોડો ઘઉ નો લોટ ઉમેરી લીલું લસણ વાટેલું, મીઠું, મરચું અને હળદર નાખીને લીલાં મરચાં આદુ, તેલ નું મોણ નાખી ને સાધારણ કઠણ લોટ બાધી ને દસ મિનિટ માટે ઢાંકીને મૂકી રાખો..

હવે એક કુકરમાં તેલ ગરમ મૂકી તેમાં રાઈ અને જીરું, અજમો અને લાલ સુકું મરચું અને તમાલપત્ર અને લવીંગ નો વઘાર મૂકી તેમાં હિંગ નાખી ને ડુંગળી ઝીણી સમારેલી ઉમેરીને બરાબર સાંતળો પછી તેમાં ટામેટા નાખી આદુ મરચાં ની પેસ્ટ ઉમેરવી અને તેમાં લીલાં લસણ ની પેસ્ટ ઉમેરવી અને લીમડાના પાન નાખી સાંતળો પછી તેમાં મસાલો કરી લો અને વાલોળ ઉમેરીને ને બરાબર મિક્ષ કરી લેવું હવે દોઢ ગ્લાસ પાણી ઉમેરીને ને ઢાંકણ બંધ કરી ને એક સીટી પાડી લો..

હવે કુકર ઠંડુ થાય ત્યાં સુધી લોટ બરાબર મસળી લો હવે લુઆ પાડી ને એક મોટી રોટલી વણો અને કટર થીં ગોળ કાપી લો..આ રીતે બધી ઢોકળી તૈયાર કરી લો.. હવે કુકર નું ઢાંકણ ખોલી ને ઉકળવા મુકો અને પછી તેમાં ઢોકળી ઉમેરો અને બરાબર હળવેથી મિક્સ કરી લો અને ઢાંકી ને ચઢવા દો.. જરૂર લાગે તો થોડું પાણી ઉમેરી શકાય..

હવે ઢોકળી સરસ રીતે ચડી જાય એટલે તેમાં ગોળ લીંબુનો રસ અથવા આંબલી ધોળી ને નાખી ને કોથમીર નાખી ને પીરસો...