સૌપ્રથમ ૩ વાટકી ચોખા ને ધોઈ બે દિવસ તડકે સૂકવી દો. બરાબર સુકાઈ ગયા બાદ તેમાં એક વાટકી અડદની દાળને મિક્સ કરી લો. બરોબર મિક્સ કરી ઘંટીમાં દળી લો. દડાઈ ગયા બાદ રાત્રે ખાટુ દહી અને બે ચમચા તેલ નાખી આથી દો. ૮ થી ૯ કલાક આથો આવવા દો.

આથો આવી ગયા બાદ બે અમેરિકન મકાઈ ને બાફી લો. બફાઈ ગયા બાદ તેના દાણા કાઢી લો. મકાઈના દાણા આથામાં માં નાખી દો. ખાવાના સોડા, મીઠું અને તેલ નાખી એક બાજુ હલાવી લો. હવે ઢોકળીયામાં પાણી નાખી ઢોકળીયાની ડિશમાં તેલ ચોપડી ગરમ કરવા મૂકો. તેમાં ઇદડા નું ખીરું નાખી ઉપર અધકચરા મરી છાંટો. 10 થી 15 મિનિટ બાફવા મુકો. મકાઈ ઇદડા અને ગ્રીન ચટણી સાથે ગરમ ગરમ પીરસો.