સૌથી પહેલા બધા મસાલા તૈયાર કરી લો, હવે તેમાં હળદર, લાલ મરચું પાઉડર, ધાણાજીરું, હિંગ, નમક, લીંબુનો રસ બધું મિક્સ કરી પુરણ તૈયાર કરી લો પછી બટેકા લો તેની છાલ ઉતારી લો.

હવે તેની એકસરખી બોવ જાડી નહીં ને પાતળી નહીં મીડીયમ એવી ગોળ સ્લાઈસ કરી લો, પછી એક પડ લઈ તેના પર પુરણ તૈયાર કર્યું છે એ લગાવો પછી તેના પર પાછું બીજું પડ માથે મૂકી હાથેથી હળવેકથી દબાવો, આવી રીતે બધા દાબડા તૈયાર કરી લો.

હવે ખીરું તૈયાર કરવા એક બાઉલમાં લોટ લો તેમાં નમક અને ચપટી સોડા નાખી થોડું થોડું પાણી નાખી ખીરું તૈયાર કરવું, એક કડાઈમાં તેલ મુકો તેલ આવી જાય એટલે ધીમી આંચ પર દાબડાને ખીરા માં બોળી તળવા, એકવાર તળાઈ જાય પછી પાછા એકવાર તળી લેવા એટલે એકદમ ક્રિસ્પી થશે, આવી રીતે બધા દાબડા તળવા.

તો તૈયાર છે ખંભાતના પ્રખ્યાત આલુ દાબડા, મે અહીંયા ખજૂર ને આમચૂર પાવડરની ચટણી સાથે સર્વ કર્યા છે જે ખાવા માં મસ્ત લાગે છે.