નાની બટેકા છોલીને કાંટા થી કાનાં પાડી ૧/૨ કલાક મીઠા હળદર પાણીમાં રાખવી.પછી ગરમ તેલ માં તળી નાખો.

૨ ટેબલ સ્પૂન તેલ મૂકી તેમાં આદું, મરચા, લસણ, તજ, લવિંગ, ધાણા ની પેસ્ટ નાખી ૫ મિનિટ સાંતળવું.

પછી ડુંગળી ની પેસ્ટ નાખી ૨ મિનિટ સાંતળવું. બાકીનો મસાલો મિક્સ કરવો. બ્રાઉન થવા દેવું.

તેમાં ૫૦ ગ્રામ બટર નાખી કાજુ, ખસખસ, મગસ્તરી ના બી ની પેસ્ટ નાખી ટામેટા કેચઅપ અને જરૂરી પાણી નાખી ૧૦ મિનિટ થવા દેવું.કલર ન આવે તો થોડો રેડ કલર નાખવો.આ રીતે રેડ ગ્રેવી તૈયાર.

રેડ ગ્રેવી માં તળેલી બટેકી, કસૂરી મેથી તથા જરૂરી પાણી નાખી ૧૦ મિનિટ ગરમ કરવું. તેની ઉપર કોથમીર અને ક્રીમ ભભરાવી સર્વ કરો.

કાજુ, મગસ તરી ના બી અને ખસખસ ને ૨ કલાક પાણીમાં પલાળીને પેસ્ટ સારી થાય છે.

લાલ કાશ્મીરી મરચા થોડાક પાણીમાં ૧/૨ કલાક પલાળવા. પછી વાટવા. તેનાથી લાલ કલર સારો આવશે.