સવ પ્રથમ બધા શાકભાજી ને સમારિલેવા હવે મરી,લવિંગ,તજ અને ઇલાયચી ને ખલીયા માં વાટી લેવુ પછી ફલાવર,વટાણા,ફણસી,ગાજર ને બટકું બાફી લેવું.

એક પેન માં તેલ લેવું તેલ ગરમ થાય એટલે તેમાં રાઈ નાખવી ને રાઈ તતડી જાય એટલે તેમાં જીરું,હિંગ, હળદર, સૂકા લાલ મરચા,લીલુ મરચું,આદુ ની પેસ્ટ,લસણ ની પેસ્ટ,વાટેલા ખડા મસાલા ને ચીલી ફ્લેક્સ નાખી મિક્સ કરવું,પછી તેમાં કાંદા નાખી સાંતળવું.

હવે તેમાં બાફેલા શાકભાજી ઉમેરવા હવે તેમાં સ્વાદ પ્રમાણે મીઠું નાખી મિક્સ કરી થોડી વાર પછી તેમાં ટામેટા ને કેપ્સીકમ ઉમેરી મિક્સ કરી લેવું.

હવે તેમાં લાલ મરચું પાઉડર,ગરમ મસાલો,ધાણાજીરું ને આમચૂર પાઉડર ઉમરી ને મિક્સ કરવું હવે તેને ઢાંકી ને મીડીયમ ગેસ પર થવા દેવુ ૧૦ મિનિટ થવા દેવું તો તૈયાર છે ઢાબા સ્ટાઈલ મિક્સ વેજ સબ્જી તેને તમે રોટલી,પરાઠા કે નાન સાથે ખાઈ શકાય છે હવે કોથમીર નાખી સર્વ કરો.