સૈા પ્રથમ એક તપેલી માં પાણી ઉકાળવું અને તેમાં ૧/૨ ચમચી ખાંડ અને ૧/૨ ચમચી મીઠું નાખી ને વટાણા ને બાફી લો.ખાંડ અને મીઠું નાખવાથી વટાણા નો કલર લીલો જ રહે છે.ત્યાર બાદ ખડા મસાલા અને સમારેલી ગ્રેવી માટે ની વસ્તુ તૈયાર કરવી.

હવે એક કડાઈમાં તેલ ગરમ કરો. ત્યાર બાદ તેમાં બધા ખડા મસાલા અને સમારેલી ડુંગળી,ટામેટા,લસણ,આદુ અને મગજ તરી ના બી બધું ઉમેરો અને હલાવી ને ચડવા દો.ત્યાર બાદ તેમાં બધા મસાલા ઉમેરી ને હલાવો.થોડું ચડી જાય પછી ઠંડુ થાય એટલે તેની ગ્રેવી બનાવી લેવી.

હવે બીજી એક કડાઈ લો અને તેમાં ઘી અને તેલ બંને નાખો.તેલ ગરમ થાય એટલે તેમાં તમાલપત્ર,લાલ મરચું અને ડુંગળી નાખવી.

તે સંતળાઈ એટલે તેમાં બનાવેલી ગ્રેવી ઉમેરવી. હવે હલાવી લો.ત્યાર બાદ તેમાં મલાઈ,મરચું અને કિચન કિંગ મસાલો નાખી દો અને હલાવી લો.તેમાં દૂધ પણ ઉમેરી દો.

હવે તેમાં બાફેલા વટાણા અને પનીર ના પીસ ઉમેરો.

હવે તેને હલાવી ને ઢાંકી ને થોડી વાર થવા દો એટલે તેલ ઉપર આવી જશે.હવે મટર પનીર ને એક બાઉલ માં કાઢી ને સર્વ કરો.

તો તૈયાર છે ટેસ્ટી એવું પંજાબી સ્ટાઈલ મા બનાવેલું મટર પનીર નું શાક.