સૌપ્રથમ લોટમાં બેકિંગ પાઉડર,બેકિંગ સોડા, મીઠું, ઉમેરી લોટમાં સારી રીતે મિક્સ કરી લો. ત્યાર બાદ તેમાં દહીં ઉમેરી ફરી મિક્સ કરો. બે મિનિટ લોટ સોફ્ટ રીતે તૈયાર કરી લો. ત્યારબાદ માખણ અને લસણ ની પેસ્ટ તેમાં ઉમેરી લોટ તૈયાર કરી લો. હવે ઓલિવ ઓઈલ લગાડી લોટને ૨૦ મિનિટ માટે રેસ્ટ આપી દો.

માખણમાં લસણની પેસ્ટ ઉમેરી તૈયાર કરી લો આ પેસ્ટ આપણે ગાર્લિક બેડ ઉપર લગાડવા માટે તૈયાર કરવાની છે.

હવે એક બાઉલમાં મોઝરેલા ચીઝ, રેડ અને ગ્રીન કેપ્સીકમ, બાફેલી મકાઈ,લીલા મરચાની પેસ્ટ, લસણની પેસ્ટ, ઝીણી સમારેલી કોથમીર, ઓરેગાનો સિઝલિંગ, ચીલી ફ્લેક્સ, ગાર્લિક મિક્સ હર્બ, થોડો મરી પાઉડર બધું જ સારી રીતે મિક્સ કરી સ્ટફિંગ તૈયાર કરો.

ત્યારબાદ લોટના એક સરખા ભાગ કરી હાથની મદદથી ગોળ જાડી રોટલી જેવું બનાવી લો. તેમાં બટર ગાર્લિક પેસ્ટ લગાડી લો. ત્યારબાદ તેમાં તૈયાર કરેલું સ્ટફિંગ ભરી લો. હવે તેને કવર કરી સારી રીતે પેક કરી લો. ઓવન પ્લેટ ને સારી રીતે બટર અને ઓરેગાનો સિઝલિંગથી ગ્રીસ કરી લો. અને બટર ગાર્લિક પેસ્ટ તેના ઉપર સારી રીતે સ્પ્રેડ કરી લો.ઓવન મા 240 ડિગ્રી પર 15 મિનિટ માટે બેક કરો.

આ રીતે ગાર્લિક બ્રેડ સરળ રીતે ડોમિનોઝ સ્ટાઈલ થી ઘરે બનાવી શકીએ છીએ. જે તમે માયોનીઝ સોસ સાથે સર્વ કરી શકો છો. માયોનીઝ સોસ બનાવવા માટે માયોનીઝ માં મિક્સ હર્બ, ઓરેગાનો, ચીલી ફ્લેક્સ, ટમેટો કેચપ જરૂર મુજબ ઉમેરી મિક્સ કરી લો.