સૌપ્રથમ ગલકા ને ધોઈ છોલી અને ટુકડા કરી લેવા. એક તપેલીમાં 3 કપ પાણી ઉકળવા મુકો. તેમાં ચપટી હળદર અને એક ટે.સ્પૂન મીઠું નાખો પાણી બરાબર ઊકળે એટલે તેમાં ગલકા માત્ર 3 મિનિટ માટે બાફી લો.

ત્રણ મિનિટ પછી તેને ચારણીમાં કાઢી લો અને ઉપર ઠંડું પાણી રેડો. હવે ડુંગળી, લસણ, આદુ, મરચાંની પેસ્ટ બનાવો.

હવે એક પેનમાં તેલ ગરમ કરવા મુકો. તેલ ગરમ થાય એટલે તેમાં જીરું અને હિંગ નાખો. વઘાર તૈયાર થાય એટલે તેમાં મીઠું,ડુંગળી - લસણ ની પેસ્ટ ઉમેરો અને સાંતળો. આ પેસ્ટ સાંતળાઈ જાય એટલે તેમાં મરચું, હળદર અને ધાણા જીરુ ઉમેરો. મિક્સ કરો.

હવે તલ, મરી,દગડફુલ,તજને આખા ભાગ વાટી લો અને તેને ગ્રેવી માં એડ કરી મિક્સ કરો.

હવે ધીમા તાપે તેલ છૂટે ત્યાં સુધી ગ્રેવીને બરાબર તૈયાર કરો ગ્રેવી માંથી તેલ છુટવા લાગે એટલે તેમાં ગલકા એડ કરો. મિક્સ કરો. ગરમ મસાલો નાખી ફરી મિક્સ કરી લો. ધીમા તાપે શાકને 5 મિનીટ માટે રાખી પછી ગેસ ઓફ કરી દેવો.