સૌ પ્રથમ ગુવાર ને ઝીણો સમારી લેવો.
આદું,મરચાં અને લસણ ને ખાંડી ને પેસ્ટ બનાવી લો. અને ટામૅટુ સમારી લો.
હવે ઢોકળી બનાવવા માટે ઘઊ અને ચણા નો લોટ મિક્સ કરી તેમાં થોડુ તેલ, અજમો,મીઠું, મરચું, હળદર અને ધાણાજીરુ ઉમેરીને પરોઠા થી થોડો કઠણ લોટ બાંધી લેવો. પછી તેમાથી નાની નાની ગોળ ઢોકળી બનાવી લેવી.

હવે કુકર માં તેલ ગરમ થવાં મુકો. તેલ ગરમ થાય એટલે તેમા અજમો ઉમેરો. હણે હીંગ ઉમેરી ને આદું,મરચાં અને લસણ ની પેસ્ટ ઉમેરો. ગેસ સાવ ધીમે કરી દો પછી તેમા ટામૅટુ ઉમેરી ને હલાવી લો અને પછી ગુવાર ઉમેરો.હવે એમાં હળદર, મરચું, ધાણાજીરુ અને મીઠું ઉમેરો અને હલાવો. ગેસ ને મધ્યમ તાપ કરી 2 મિનિટ હલાવો. પછી તેમા 250 - 300 મિલિ પાણી ઉમેરો. પાણી ઉકળે એટલે તેમા ધોકળી નાંખી દો અને કુકર નું ઢાંકણ બંધ કરી દો. 6-7 સીટી થાય એટલે ગેસ બંધ કરી દો. તો તૈયાર છે સ્વાદિષ્ટ ગુવાર ઢોકળી નું શાક.