સૌપ્રથમ લોટમાં મીઠું અને તેલ ઉમેરી મિક્સ કરી પાણીથી માપનો લોટ બાંધી લેવો. પછી તેને ઢાંકીને 10 મિનીટ રાખવો.

બટાકાને કૂકરમાં બાફી લેવા. ઠંડા પડે એટલે છાલ ઉતારીને ચોરસ ટુકડામાં સમારી લેવા.

હવે એક કડાઈમાં તેલ ગરમ કરી તેમાં રાઈ, હિંગ, લીમડાના પાન અને લીલા મરચા નો વઘાર કરી પછી તેમાં હળદર ઉમેરી તરત જ બટેટાના ટુકડા ઉમેરી બરાબર મિક્સ કરી લેવું. પછી તેમાં મીઠું અને લીંબુનો રસ ઉમેરી હલાવી લેવું. ગેસ બંધ કરી કોથમીર ઉમેરી મિક્સ કરી ભાજી તૈયાર કરી લેવી.

પૂરી ના લોટ ને કુણવી એકસરખા લુઆ કરી પૂરી વણી ગરમ તેલમાં તળી લેવી. હવે ગરમાગરમ પૂરીને બટાકા ની સુકી ભાજી, દહીં અને ચા સાથે સર્વ કરવી.