સૌપ્રથમ શીંગ ને ધોઈ ટુકડા કરી લેવા અને કુકરમાં શીંગ નાખી પાણી અને થોડું મીઠું નાખી એક સીટી કરી બાફી લેવી.

દહીં માં થોડું પાણી નાખી તેમાં ચણાનો લોટ નાખી ને ખીરું તૈયાર કરવું.

એક તપેલીમાં તેલ ગરમ કરવા મૂકવું તેલ ગરમ થાય એટલે તેમાં રાઈ મેથી જીરું હિંગ સૂકા લાલ મરચાં અને લીલાં મરચાં ના ટુકડા અને લસણની પેસ્ટ નાખી દેવી.

ત્યારબાદ તેમાં હળદર જીણા સમારેલા ટામેટા અને મીઠા લીમડાના પાન નાખવા અને મિક્સ કરી લેવું. પછી તેમાં મીઠું ગોળ લાલ મરચું પાઉડર ધાણાજીરુ નાખી દેવું અને ટામેટાં ને ચડવા દેવા.

1/2 કપ પાણી નાખવું થોડું ઉકળે પછી તેમાં તૈયાર કરેલું બેટર ગાળી ને નાખી દેવું અને સતત હલાવતા રહેવું જેથી કરીને કઢી ફાટે નહીં. એક બે ઊભરા આવે પછી તેમાં બાફેલી સરગવાની શીંગ નાખી દેવી અને મિક્સ કરી લેવું. ૫/૭ મીનીટ સુધી ઉકળવા દેવું.

ત્યારબાદ સર્વિંગ બાઉલમાં કાઢી ઉપર કોથમીર નાખી ગાર્નિશ કરીને સર્વ કરવી.