સૌપ્રથમ પાલખની ભાજીને સમારી અને બે ત્રણ પાણીથી ધોઈ અને ચારણીમાં કાઢી લેવી રીંગણને પણ સમારી લેવા ધોઈ અને પાલકની ભાજી સાથે કાઢી લેવા.

એક પેનમાં તેલ ગરમ કરવા મૂકવું તેલ ગરમ થાય એટલે તેમાં રાઈ મેથી જીરું હિંગ નાખી ઝીણું સમારેલું લસણ વધારી દેવું લસણને એક મિનિટ સુધી સાંતળવું ત્યારબાદ તેમાં સમારેલી પાલક અને રીંગણ નાખી દેવા. બે થી ત્રણ મિનિટ સુધી સંતળાવા દેવા.

હવે તેમાં હળદર મરચું મીઠું ધાણાજીરું નાખી ભાજીને પાંચ મિનિટ સુધી સંતળાવવા દેવી ત્યારબાદ તેમાં ટમેટાના ટુકડા નાખી મિક્સ કરી ઢાંકણ ઢાંકી અને ધીમા તાપે રીંગણને ચડવા દેવા. શાક ચડી જાય એટલે ગેસ બંધ કરી દેવો.