முதலில் தேவையான பொருட்கள் அனைத்தையும் தயாராக எடுத்து வைக்கவும்.. கீரையை சுத்தம் தண்ணீரில் அலசி சிறிய துண்டுகளாக நறுக்கி வைக்கவும்.. வெங்காயம் தக்காளி பூண்டு இஞ்சி அனைத்தையும் பொடியாக நறுக்கி வைக்கவும்.. பருப்பை மஞ்சள் தூள் மற்றும் எண்ணெய் 1 டீஸ்பூன் விட்டு நன்றாக வேக வைத்து எடுக்கவும்...

கடாயில் 1 டீஸ்பூன் எண்ணெய் மற்றும் 1 டீஸ்பூன் நெய் விட்டு காய்ந்ததும் அதில் சீரகம் சேர்த்து பொரிந்ததும், பெருங்காயத்தூள்,வெங்காயம் மற்றும் இஞ்சி பூண்டு சேர்த்து நன்கு வதக்கவும்... பின்னர் தக்காளி சேர்த்து வதக்கவும்... உப்பு மற்றும் மல்லி தூள் சேர்த்து நன்றாக வதக்கவும்... தக்காளி மசிந்து வந்ததும் கீரை சேர்த்து நன்கு கலந்து கொள்ளவும்..

5-7 நிமிடங்கள் வேகவிடவும்.. பின்னர் வேக வைத்துள்ள பருப்பு சேர்த்து நன்றாக கலந்து, உப்பு சரிபார்த்து மீண்டும் தேவைக்கேற்ப தண்ணீர் சேர்த்து நன்றாக கொதிக்க விடவும்.. ஒரு தாளிப்பு கடாயில் ஒரு டீஸ்பூன் நெய் விட்டு காய்ந்ததும் சிறிது சீரகம், பெருங்காயத்தூள் மற்றும் வரமிளகாய் சேர்த்து தாளித்து பருப்புக் கலவையுடன் சேர்த்து கலந்து இறக்கவும்... சிறிது கொத்தமல்லி இலை தூவி பரிமாறவும்... சூடான சுவையான பாலக் கீரை பருப்பு ரெடி... நன்றி... ஹேமலதா கதிர்வேல்.. கோவை பாசக்கார பெண்கள்.