துருவிய தேங்காயைப் வெறும் வாணலியில் பொன்னிறமாக வறுத்து எடுத்துக்கொள்ளவும். மிதமான தீயில் எண்ணெய் காயவைத்து கறி வடகத்தை பொரித்து எடுத்துக் கொள்ளவும்.

கடாயில் நல்லெண்ணெய் சேர்த்து கடுகு, காய்ந்த மிளகாய்,கருவேப்பிலை தாளித்து,பொடியாக நறுக்கிய வெங்காயம் மற்றும் பூண்டு சேர்த்து நன்கு வதக்கவும்.

வெங்காயம் வதங்கியதும் தேவைக்கேற்ப உப்பு மஞ்சள் தூள் சாம்பார் பொடி சேர்த்து வதக்கி அதில் கரைத்த புளியை சேர்த்து நன்கு கொதிக்க வைக்கவும். குழம்பில் 1 டம்ளர் தண்ணீர் சேர்த்துக் கொள்ளவும்.

புளி நன்கு கொதித்து பச்சை வாசனை போனவுடன்,வறுத்த தேங்காய் மற்றும் பொரித்த வடகத்தை சேர்த்து 2 நிமிடம் கொதிக்கவைத்து வெல்லம் சேர்த்து அடுப்பை அணைத்தாள் சுவையான வடகம் தேங்காய் குழம்பு ரெடி.

பொட்டுக்கடலை பூண்டு காய்ந்த மிளகாய் உப்பு சேர்த்து அரைத்த துவையலை சாதத்தில் பிசைந்து,இந்த குழம்பை ஊற்றி சாப்பிட்டால் மிகவும் ருசியாக இருக்கும்.