கேரட் ஸ்வீட் இடியாப்பம்#carrot #book

முதலில் பச்சரிசி மாவை சிறிது வறுத்துக்கொள்ளவும். அதில் வேக வைத்த கேரட்டை மிக்ஸியில் அடித்து சேர்க்கவும்.. தேவையெனில் சிறிது சுடு தண்ணீர் ஊற்றலாம். அல்லது வேக வைத்த கேரட்டின் தண்ணீரையே பயன்படுத்திக் கொள்ளலாம்.

மசித்த கேரட்டையும் அரிசி மாவையும் நன்றாக பிசைந்து கொள்ளவும். பிசைந்த மாவை இடியாப்ப பிடியில் போட்டு இட்லி தட்டில் இடியாப்பம் போல் பிழியவும். 5 லிருந்து 10 நிமிடம் வேக விடவும். அனைத்தையும் ஆற விட்டு, உதிர்த்து கொள்ளலாம்.

வாணலியில் சிறிது நெய் விட்டு முந்திரி தேங்காய் துருவல் ஏலக்காய்த்தூள் சேர்த்து பிழிந்த கேரட் இடியாப்பத்தை சிறிது சூடாக்கவும். அடுப்பை அனைத்து நாட்டுச்சர்க்கரை, மற்றும் உப்புசேர்த்து பரிமாறலாம். குழந்தைகள் விரும்பி உண்பர் கலர்ஃபுல் இடியாப்பம்.