முதலில் ஒருகப் பாசிப்பயிரை இரண்டு ஸ்பூன் கடலை பருப்புடன் வெறும் வாணலியில் சூடேறும் வரை வறுத்துக்கொள்ளவும். பிறகு தண்ணீரில் நன்கு கழுவி விட்டு ஒரு கால்மணி நேரம் ஊற வைக்கவும்.. ஒரு பாத்திரத்தில் மூன்று டம்ளர் பக்கம் தண்ணீர் வைத்து பாசிப்பருப்பை அதில் வேக வைத்துக் கொள்ளவும்.

ஒன்னேகால் கப் வெல்லத்தை பொடி செய்து கொள்ளவும். நான்கு ஏலக்காயை நன்கு பவுடராக்கிக் கொள்ளவும். இரண்டு ஸ்பூன் நெய்யில் 10 முந்திரி பருப்பு 15 உலர் திராட்சையை நன்கு சிவக்க வறுத்துக் கொள்ளவும்.

வெந்த பாசிப்பருப்புடன் பொடித்த வெல்லத்தை சேர்த்து வெல்லம் கரையும் வரை கொதிக்க விடவும். பிறகு ஏலக்காய் தூளை அதில் சேர்க்கவும். வறுத்த முந்திரி மற்றும் திராட்சையை அதில் சேர்த்துக் கொள்ளவும். சுவையான சத்தான பாசிப்பருப்பு பாயசம் தயார். சுவாமி நைவேத்தியத்திற்க்கு உகந்த பிரசாதம் இது.