பரோட்டாவை சிறு சிறு துண்டுகளாக நறுக்கி எடுத்துக் கொள்ளவும். வெங்காயத்தை நீளவாக்கில் நைசாக நறுக்கி கொள்ளவும். தக்காளியை பொடியாக நறுக்கவும். பச்சை மிளகாயை நீளவாக்கில் கீறிக் கொள்ளவும். குடை மிளகாயையும் சிறு சிறு துண்டுகளாக நறுக்கி எடுத்துக் கொள்ளவும்

ஒரு கடாயில் எண்ணெய் விட்டு காய்ந்ததும் பச்சை மிளகாய் போட்டு, மிளகாய் வெள்ளையாக வரும் வரை நன்கு வதக்கவும். பிறகு வெங்காயம், தக்காளி சேர்த்து நன்கு வதக்கவும்

பிறகு குடை மிளகாய், பரோட்டா துண்டுகளை சேர்த்து மிதமான தீயில் வைத்து 3 நிமிடங்கள் நன்கு வதக்கவும்

இப்போது இஞ்சி பூண்டு விழுது சேர்த்து ஒரு நிமிடம் வைத்து அடிபிடிக்காமல் கிளறிக்கொண்டே இருக்கவும்.

ஒரு முட்டையை ஒரு குழிக் கரண்டியில் உடைத்து ஊற்றி பரோட்டாவில் சேர்க்கவும்

முட்டை ஊற்றிய உடனேயே தட்டு போட்டு மூடி ஒரு நிமிடம் வைக்கவும். இப்போது முட்டை நன்கு வெந்திருக்கும் இதனுடன் மிளகுத் தூள், உப்பு சேர்த்து ஒரு கிளறு கிளறவும்

டேஸ்டான கேப்ஸிகம் சில்லி பரோட்டா ரெடி