தேவையான பொருட்கள் அனைத்தையும் தயாராக எடுத்து வைக்கவும்

அடுப்பில் ஒரு ஃபேனை வைத்து சூடானதும் மெல்லிய தீயில் முந்திரி பாதாம் பிஸ்தா ஆகியவற்றை வறுத்து மிக்ஸியில் போடவும் பின் வேர்கடலை ஐ சேர்த்து வறுத்து மிக்ஸியில் போடவும்

பின் தேங்காய் துருவல் சேர்த்து லைட் ப்ரவுன் நிறத்தில் வறுத்து மிக்ஸியில் போடவும் பின் அதனுடன் பேரிச்சம் பழம் மற்றும் ஏலக்காய் சேர்த்து கரகரப்பாக அரைத்து எடுக்கவும்

அதே ஃபேனை சற்று சூடு ஆறியதும் ஓட்ஸ் ஐ சேர்த்து மெல்லிய தீயில் மணம் வர வறுத்து எடுக்கவும் தேங்காய் வறுத்த சூட்டிலே போட்டா ஓட்ஸ் தீய்ந்து விடும் வறுபடாது அதனால் சற்று ஆறவிட்டு திரும்ப அடுப்பில் வைத்து வறுத்து எடுக்கவும் பின் மிக்ஸியில் போட்டு பொடி செய்து கொள்ளவும்

வெல்லத்துடன் சிறிது தண்ணீர் சேர்த்து கொதிக்க விட்டு வடிகட்டி பின் மீண்டும் கொதிக்க விடவும்

வெல்லம் பாகு பதம் வந்ததும் (சிறிது தண்ணீரில் பாகை விட்டு கைகளில் தொட்டு உருட்டினால் ஒட்டாமல் உருட்ட வருவது பதம்) பொடித்து மற்றும் அரைத்து வைத்துள்ள ஓட்ஸ் தேங்காய் கலவையை சிறிது சிறிதாக சேர்த்து நன்கு கிளறவும்

வெல்ல பாகுடன் எல்லாம் சேர்ந்து வந்ததும் நெய் சேர்த்து நன்கு கிளறி இறக்கி ஆறவிடவும்

சற்று ஆறியதும் கைகளில் நெய் தடவி கொண்டு சின்ன சின்ன உருண்டைகளாக உருட்டி வைக்கவும் குக்கீஸ் அச்சில் சிறிது நெய் தடவி இந்த கலவையை அழுத்தி விரும்பிய வடிவில் செய்யலாம் சுவையான ஆரோக்கியமான ஓட்ஸ் லட்டு ரெடி

சுவையான ஆரோக்கியமான ஓட்ஸ் லட்டு ரெடி