தயிர் கொழுக்கட்டை (Thayir kolukkattai recipe in tamil)

ஒரு பாத்திரத்தில் இரண்டு கப் தண்ணீரை ஊற்றி ஒரு சிறிய ஸ்பூன் உப்பு போட்டு கொதிக்க விடவும். அதில் அரிசி மாவு ஒரு கப் போட்டு நன்றாக கிளறி மூடி வைக்கவும். கொதித்ததும் சூட்டிலேயே மாவு பாதி வந்துவிடும். மாவை ஒரு தட்டில் கொட்டி நன்கு பிசைந்து கைகளில் எண்ணெய் தடவிக் கொண்டு சிறிய உருண்டைகளாக பிடித்து ஒரு தட்டில் வைக்கவும்.

உருண்டைகளை இட்லி பானையில் ஆவியில் 10 நிமிடம் வேக வைத்து தட்டில் கொட்டி ஆற விடவும். ஒரு பாத்திரத்தில் தயிர் சேர்த்து சிறிதளவு உப்பு போட்டு கலந்து விடவும். மிக்ஸி ஜாரில் தேங்காய் துருவல் இஞ்சி பச்சை மிளகாய் நைஸாக அரைத்து தயிரில் கலக்கவும். ஒரு கரண்டியில் எண்ணெய் ஊற்றி கடுகு உளுந்து பெருங்காயம் தாளித்து தயிரில் கலந்து விடவும்.

வேகவைத்த சிறிய கொழுக்கட்டைகளை ஆறவைத்து தயிரில் கலந்து விடவும். கொத்தமல்லி தழை கருவேப்பிலை அலசி கிள்ளிப் போடவும். துருவிய கேரட் போட்டு அலங்கரிக்கவும். சுவையான தயிர் கொழுக்கட்டை தயார்.ஐந்து நிமிடம் ஃப்ரிட்ஜில் வைத்து எடுத்துப் பரிமாறுங்கள். வெயிலுக்கு இதமாக இருக்கும்.