ஒரு கிண்ணத்தில் வெண்ணெய் மற்றும் பொடித்த சர்க்கரையை சேர்த்து நன்கு அடித்து, அதில் ஒரு முட்டையை சேர்த்து நன்கு அடித்துக் கொள்ளவும். பின்பு அதில் பேக்கிங் சோடா,பேக்கிங் பவுடர், மைதா மாவு சேர்த்து சப்பாத்தி மாவு பதத்திற்கு மென்மையாக பிசைந்து கொள்ளவும்.

பேரிச்சம் பழத்தில் இருக்கும் கொட்டையை நீக்கி ஒரு தடவை கழுவி சிறு சிறு துண்டுகளாக அரிந்து வைக்கவும்.கடாயில் 2 டீஸ்பூன் பொடியாக நறுக்கிய பேரிச்சம் பழத்தை 2 நிமிடம் நன்கு வதக்கி கரண்டியில் நன்கு மசித்து விடவும். அதில் 2 டேபிள் ஸ்பூன் நாட்டுச்சர்க்கரை சேர்த்து நன்கு வதக்கவும்.கெட்டியாகி வரும் பொழுது அடுப்பை அனைத்து வேறொரு தட்டில் மாற்றவும்.

படத்தில் உள்ளது போல் பேரிச்சம்பழ விழுதை இரண்டாக பிரித்து நீளவாக்கில் மெலிதாக உருட்டி வைக்கவும்.தேய்த்து வைத்திருக்கும் மாவில் அதைவைத்து ஒரு ஓரத்தில் இருந்து உருட்டவும். கைகளால் மெதுவாக உருட்டி ஓரங்களை நன்கு மூடவும்.

ஒரு இன்ச் அளவிற்கு சிறு சிறு துண்டுகளாக வெட்டவும். வெள்ளை எள்ளை சிறிது தூவி, இரண்டு பக்கமும் ஒட்டிவிடவும். குக்கரை 5 நிமிடம் மிதமான தீயில் சூடேற்றி ஒரு ஸ்டாண்ட் வைத்து, அதன் மேல் தட்டை வைத்து 17 நிமிடம் பேக் செய்யவும். நடுவில் ஒருமுறை குக்கீஸ் ஐ திருப்பிவிடவும். அப்போது தான் இரண்டு பக்கமும் சமமாக பேக் ஆகும்.