பருப்பு வேகவைத்த தண்ணீர் மற்றும் மலர வேகவைத்த பருப்பு ஆகியவற்றை தயாராக எடுத்து வைக்கவும்

தக்காளி ஐ கொதிக்கும் நீரில் ஐந்து நிமிடங்கள் வரை போட்டு கொதிக்க விட்டு இறக்கி தோல் உரித்து மிக்ஸியில் போட்டு விழுதாக அரைத்து கொள்ளவும் பின் புளியை சூடான தண்ணீர் ஊற்றி ஊறவைத்து கரைத்து கொள்ளவும்

பூண்டை உரித்து மிக்ஸியில் போட்டு இரண்டு சுற்று சுற்றி எடுக்கவும் மிகவும் நைசாக அரைக்க வேண்டாம் மிளகை சின்ன குழவியால் ஒரு இடி லைட்டா இடித்து வைக்கவும் கொத்தமல்லி தழை மற்றும் பச்சை மிளகாய் ஐ பொடியாக நறுக்கி கொள்ளவும்

வாணலியில் எண்ணெய் விட்டு சூடானதும் கடுகு சேர்த்து வெடிக்க விட்டு பின் சீரகம் சேர்த்து வெடித்ததும் இடித்த மிளகு சேர்த்து பொரிய விடவும்

பின் பூண்டை சேர்த்து நன்கு வதக்கவும் பின் நறுக்கிய பச்சைமிளகாய் சேர்த்து கறிவேப்பிலை சேர்த்து வதக்கவும்

பின் அரைத்த தக்காளி விழுதை சேர்த்து நன்கு சுண்டும் வரை வதக்கவும்

பின் புளியை வடிகட்டி ஊற்றி உப்பு மற்றும் ரசப்பொடி சேர்த்து நன்கு கொதிக்க விடவும்

தக்காளி புளி இரண்டும் பச்சை வாசனை போக கொதிக்க விட்டு பின் வேகவைத்த துவரம்பருப்பு சேர்த்து பருப்பு தண்ணீரை ஊற்றி நன்கு கிளறவும்

பெருங்காயத்தூள் சேர்த்து ஓரங்களில் நுரைத்து வரும் போது கொத்தமல்லி தழை தூவி இறக்கவும்

பருப்பு தண்ணீரை ஊற்றி கொதிக்க விட கூடாது புளிக்கரைசல் மற்றும் தக்காளி விழுதை பச்சை வாசனை போக கொதிக்க விட்டபின் பருப்பு தண்ணீரை ஊற்றவும்

சுவையான ஆரோக்கியமான மணமான பூண்டு ரசம் ரெடி