பாசுமதி அரிசியை 1/2மணி நேரம் ஊற வைத்து பின் தேவையான அளவு உப்பு மற்றும் ஒரு ஸ்பூன் எண்ணெய் சேர்த்து நன்கு உதிரி உதிரியாக வடித்து எடுத்து ஆற வைத்து கொள்ளவும். இஞ்சி பூண்டு மற்றும் அனைத்து காய்கறிகளையும் பொடியாக நறுக்கி கொள்ளவும். காய்ந்த சிகப்பு மிளகாய் ஐ சூடு தண்ணீர் ல் ஊற வைத்து பேஸ்ட் ஆக அரைத்து கொள்ளவும்.

ஒரு வாணலியில் எண்ணெய் மற்றும் பட்டர் சேர்த்து அதில் பொடியாக நறுக்கிய பூண்டு மற்றும் இஞ்சி சேர்த்து வதக்கவும். பின் பொடியாக நறுக்கிய பீன்ஸ் சேர்த்து 2நிமிடம் வதக்கவும். அதன் பின் பொடியாக நறுக்கிய கொடை மிளகாய் சேர்த்து வதக்கவும். பின்னர் பச்சை பட்டாணி சேர்த்து 2நிமிடம் வதக்கவும்.

பின் பொடியாக நறுக்கிய கேரட், முட்டைகோஸ் சேர்த்து 1நிமிடம் வதக்கவும் பின்னர் அரைத்து வைத்துள்ள சிகப்பு மிளகாய் பேஸ்ட் மற்றும் காய்கறிக்கு தேவையான உப்பு சேர்த்து 3நிமிடம் வதக்கவும்.

பின்னர் ஆறிய பாசுமதி சாதத்தை சேர்த்து அதனுடன் மிளகு தூள் சேர்த்து கிளறவும். பின்னர் பொடியாக நறுக்கிய ஸ்ப்ரிங் ஆனியன் சேர்த்து சூடாக பரிமாறவும்.