வெண்டைக்காய் மாங்காய் மண்டி

எல்லாவற்றையும் தயாராக எடுத்து வைக்கவும்.ஒரு நான் ஸ்டிக் பேனில் 2 ஸ்பூன் எண்ணெய் ஊற்றி ஒரு அங்குலம் நறுக்கிய வெண்டைக்காய் சேர்த்து 5 நிமிடம் பிசுபிசுப்பு தன்மை போக வறுத்து எடுத்து வைக்கவும்.

அரிசி களைந்த தண்ணீரை தனியாக எடுத்து வைத்தாள் மண்டி மாதிரி கிடைக்கக்கூடிய தண்ணியை எடுத்து உபயோகிக்கவும். புளியை தண்ணீரில் ஊற போடவும்.

இப்போது அதே கடாயில் எண்ணெய் ஊற்றி கடுகு உளுந்து தாளித்து பச்சை மிளகாய் வெங்காயம் பூண்டு சேர்த்து இரண்டு நிமிடம் வதக்கி பிறகு தக்காளி, உப்பு, சேர்த்து மூடி போட்டு வேக வைக்க வேண்டும்.

தக்காளி மசிந்ததும் புளி தண்ணீர் சேர்த்து ஒரு கொதி விடவும். பிறகு அரிசி களைந்த தண்ணீர் சேர்த்து மேலும் ஒரு இரண்டு நிமிடம் கொதிக்கவிடவும்

பிறகு மாங்காய், வெண்டைக்காய் சேர்க்கவும் இரண்டு கொதி விடவும். ஒரு ஸ்பூன் அரிசி மாவை அரைடம்ளர் தண்ணீரில் கலந்து இதில் ஊற்றவும். தண்ணீர் பார்த்து சேர்த்துக் கொள்ளவும்.

தண்ணீராகவும் இருக்கக் கூடாது கெட்டியாகவும் இருக்கக் கூடாது. அரிசிமாவு சேர்ப்பதனால் சற்று சேர்ந்தாற்போல வரும். மிதமான தீயில் மூடி போட்டு 3 நிமிடம் வேக விட்டு இறக்கவும்.

தயிர் சாதத்திற்கு தொட்டுக்கொள்ள பிரமாதமாக இருக்கும் இந்த வெண்டைக்காய் மண்டி.