படத்தில் காட்டியவாறு கொடுத்துள்ள காய்கறிகளை நறுக்கி எடுத்து வைத்துக் கொள்ளவும். புளியை தண்ணீர் ஊற்றி 15 நிமிடங்கள் ஊரவிட்டு புளியைக் கரைத்து வடிகட்டி புளி தண்ணீர் எடுத்து கொள்ளவும்.ஒரு மண் சட்டி கடாயில் எண்ணெய் ஊற்றி கடுகு, உளுத்தம் பருப்பு, கறிவேப்பிலை, வெங்காயம், தக்காளி, பச்சை மிளகாய்,சேர்த்து நன்கு வதக்கிப்பின் உருளைக்கிழங்கு மற்றும் முருங்கைக்காயை சேர்த்து வதக்கிக் கொள்ளவும்.

இதனுடன் மிளகாய் தூள், மஞ்சள் தூள் உப்பு சேர்த்து வதக்கி புளி தண்ணீரை ஊற்றி நன்கு பச்சை வாசனை போகும் வரை கொதிக்க விடவும்.

ஒரு மிக்ஸி ஜாரில் தேங்காய் மிளகு சீரகம் சேர்த்து அரை டம்ளர் தண்ணீர் ஊற்றி நன்கு மைய அரைத்து எடுத்துக் கொதிக்கும் குழம்பில் ஊற்றி கொதிக்க விட்டு எண்ணெய் பிரிந்து வந்ததும் கொத்தமல்லி தூவி இறக்கினால் சுவையான முருங்கைக்காய் உருளைக்கிழங்கு புளிக்குழம்பு தயார்.