முதலில் தேவையான பொருட்கள் அனைத்தையும் தயாராக எடுத்து வைக்கவும். மீனை மஞ்சள்தூள் கல் உப்பு சிறிதளவு புளி சேர்த்து தண்ணீரில் கலந்து விட்டு சுத்தம் செய்து வைக்கவும். புளியை ஊற வைத்துக் கொள்ளவும். வர கொத்தமல்லி, சீரகம் சோம்பு வெந்தயம் சேர்த்து நன்றாக வறுத்து தனியாக எடுத்து வைக்கவும்.

அதே கடாயில் 2 டீஸ்பூன் எண்ணெய் விட்டு காய்ந்ததும் அதில் 25 சின்ன வெங்காயம் 15 பூண்டு வரமிளகாய் கறிவேப்பிலை-1 கொத்து தக்காளி அனைத்தையும் ஒன்றன் பின் ஒன்றாக சேர்த்து நன்றாக வதக்கவும். பின்னர் நன்றாக ஆறியதும் மிக்ஸியில் அனைத்தையும் சேர்த்து நன்றாக அரைத்து கொள்ளவும்.. மிகவும் பேஸ்ட் போல் அரைத்துக் கொள்ளவும்.. (குழம்பு சுவையாக இருக்கும்).

மீன் குழம்பு செய்யும் கடாயில் 5-6 டீஸ்பூன் எண்ணெய் விட்டு காய்ந்ததும் அதில் கடுகு-1 டீஸ்பூன், சீரகம் வெந்தயம் (1/4 டீஸ்பூன்க்கும் குறைந்த)சேர்த்து நன்றாக பொரிய விடவும்.மீதமுள்ள சின்ன வெங்காயம் பூண்டு சேர்த்து வதக்கவும். கறிவேப்பிலை ஒரு கொத்து சேர்த்து நன்றாக வதக்கவும். பின்னர் அரைத்த விழுதை சேர்த்து நன்றாக வதக்கவும். புளியை கரைத்து வடிகட்டி அந்த தண்ணீரை சேர்த்து நன்றாக கலந்து கொள்ளவும்.தேவையான அளவு தண்ணீர் கல் உப்பு சேர்த்து நன்றாக எண்ணெய் பிரிந்து வரும் வரை நன்கு கொதிக்க விடவும்.

பின்னர் மீனில் தலை பீஸ் இருந்தால் அதை முதலில் சேர்த்து 5 நிமிடங்கள் வேகவிடவும்.பின் மீன் துண்டுகளை சேர்த்து மிதமான தீயில் 7-10 நிமிடங்கள் வேகவிடவும்.. (மீன் சேர்த்து குழம்பை கிளற வேண்டாம்.. மீன் உடைந்து விடும்). இறுதியில் சிறிது கொத்தமல்லி இலை தூவி இறக்கவும்.. மீன் குழம்பு 3-6 மணி நேரம் கழித்து சாப்பிடும் போது சுவையாக இருக்கும். நன்றி. ஹேமலதா கதிர்வேல்.