1 கப் வெள்ளை காராமணியை குக்கரில் 2 நிமிடம் வறுத்து கழுவி 2 கப் தண்ணீர் விட்டு 4 விசில் வேகவிடவும்.

1 துண்டு இஞ்சியை தோல் நீக்கி நறுக்கி, 2 பச்சை மிளகாய் நறுக்கியது, சிறிது கறிவேப்பிலையை நறுக்கி எடுத்து வைக்கவும். துருவிய தேங்காய் 2 டேபிள்ஸ்பூன் எடுத்து வைக்கவும். வெந்த காராமணியை தண்ணீர் வடித்து எடுத்து வைக்கவும்.

குக்கரில் 2 டீஸ்பூன் ஆயில் விட்டு 1 டீஸ்பூன் கடுகு, 1 டேபிள் ஸ்பூன் உளுத்தம் பருப்பு, 1 டேபிள் ஸ்பூன் கடலை பருப்பு, 1/2 டீஸ்பூன் பெருங்காயம்,1 வரமிளகாய் கிள்ளியது சேர்த்து பொன்னிறமாக வதக்கி விடவும். அதனுடன் நறுக்கிய இஞ்சி, பச்சை மிளகாய், கறிவேப்பிலை சேர்த்து வதக்கவும். அதனுடன் வெந்த வெள்ளை காராமணி, உப்பு சேர்த்து வதக்கவும். துருவிய தேங்காய் 2 டேபிள் ஸ்பூன் சேர்த்து நன்கு பிரட்டி விடவும்.

சுவையான வெள்ளை காராமணி சுண்டல் ரெடி😄😄