சாம்பார் சாதம் செய்வதற்கு தேவையான காய்கறிகள்: 15 சின்ன வெங்காயம், 1 முருங்கைக்காய் நறுக்கியது,3 கத்தரிக்காய் 1 முள்ளங்கி, 4 அவரைக் காய், 4 பீன்ஸ்,1 கேரட்,1 தக்காளி, 2 அடக்கு மாங்காய் கழுவி எடுத்து வைக்கவும். கத்திரிக்காயை தாளிக்கும் பொழுது நறுக்கிக் கொள்ளவும்.1/2 கப் துவரம் பருப்பை கழுவி தண்ணீர் சேர்த்து 4 விசில் விட்டு குக்கரில் வேக விடவும். வறுத்து அரைக்க:1 டீஸ்பூன் கடலை பருப்பு, தனியா 2 டீஸ்பூன், 1 டீஸ்பூன் சீரகம்,1 டீஸ்பூன் மிளகு அதனுடன்,

7 வரமிளகாய் எடுத்து வைத்து, கடாயில் 2 டீஸ்பூன் ஆயில் விட்டு, கடலை பருப்பு, தனியா சீரகம்,மிளகு,வரமிளகாய் பொன்னிறமாக வறுத்து தேங்காய்த் துருவல் 3 டேபிள் ஸ்பூன் சேர்த்து நன்கு வறுத்து விடவும்.

நன்கு வறுத்து மிக்ஸியில் சேர்த்து தண்ணீர் விட்டு நைஸாக அரைத்து விழுதாக வைக்கவும்.

கடாயில் 2 டீஸ்பூன் நெய்விட்டு, 1 டீஸ்பூன் கடுகு, 1 வரமிளகாய் கிள்ளியது சிறிது கறிவேப்பிலை தாளித்து, 15 சின்ன வெங்காயம், 1தக்காளி நறுக்கியது சேர்த்து நன்கு வதக்கி நறுக்கிய காய்கறி களையும் சேர்த்து நன்கு வதக்கி விடவும்.

காய்கறிகள் நன்கு வதங்கியவுடன் வெந்த துவரம்பருப்பில் சேர்த்து,1/2 டீஸ்பூன் மஞ்சள்தூள், உப்பு சேர்த்து கலக்கி விடவும். 1 எலுமிச்சை அளவு புளியை தண்ணீரில் ஊற விடவும்.

புளியை கெட்டியாக கரைத்து 1/2 கப் எடுத்து வைக்கவும். அரைத்த விழுதை காய்கறிகளுடன் சேர்த்து,1 விசில் வேகவிடவும். புளித் தண்ணீரை சேர்க்கவும்.

அடுப்பை சிம்மில் வைத்து, தேவையென்றால் உப்பு சேர்த்து பச்சை வாசனை நீங்க நன்கு கொதிக்க விடவும். சுவையான சாம்பார் ரெடி😋😋

வடித்து வைத்த சாதத்தை அகலமான ஒரு கிண்ணத்தில் சேர்த்து 2 டீஸ்பூன் நெய் விட்டு நன்கு மசித்து விடவும். சிறிது சிறிதாக சாம்பாரை சேர்த்து நன்கு கலக்கி விடவும்.

சாதம் கட்டி இல்லாமல் சாம்பாருடன் கலக்கி, கடைசியாக மேலே சாம்பார் சேர்த்து நெய் 2டீஸ்பூன் விட்டு எடுத்து வைக்கவும். வடகம், அப்பளம் பொரித்து வைக்கவும்.

சாம்பார் சாதத்துடன் அப்பளம், வடகம் பொரித்து வைத்து சாப்பிட்டால் அருமையாக இருக்கும்.😋😋